Maakinen fästi!
Nyt Polarbibblo löytyy meänkielelä ja saamen kielilä! Polarpöllö ja muut kaverit halvaavat juhlia tätä yhessä teän kans. Ota taikasauvasta kiini, nyt tapahtuu maakisia asioita Polarbibblon veppipaikala! Jatkama maakista juhlimista janyaarin puohleen välhiin.
Lähetä meile sinun maakisia kertomuksia ja riittauksia, kerro meile villistä seikkailuista ja eri olennoista. Sinun mielikuvitus/fantasia päättää mitä sinun kertomuksissa tapahtuu!
Meilä oon kans uusia maakisia muistipeliä ja quizziä. Sivulta löytyy kans kuvia joita saatat kopieerata ja färittää millä färilä halvaat. Saat tipsiä, kunka kirjotat maakisia kertomuksia, oikeilta kirjailijoilta. Tule fölhjyyn muitten Polarbibblo-kaveritten kans niin ettet missaa mithään hauskaa!
Muista meän lotterii missä oon makii-teema!
Meilä oon rohki iso lotterii uuen Polarbibblo veppipaikan juhlaksi! Sulla jolla oon käyttökonttu meilä saatat olla matkassa lotteriissa lähettämällä meile tekstiä, kuvia ja vastaamalla quizzikysymykshiin. Kaikki meile tulheet työt oon lottia. Niinko meän tavalisessa lotteriissa saatat voittaa kirjoja ja aviisia mutta nyt meilä oon muitaki fiiniä priisiä!
Ala varsin töihin! Kirjota eri kampheista joissa oon maakinen voima eli kirjota juttuja vaikkapa noita akasta eli pöökäräisistä. Riittaa maakiasia riittauksia joista löytyy pölättävä hirviö eli manalainen. Makian mailmassa kaikki oon maholista!
Kirjota meänkielelä
Halvakko sie kirjottaa jotaki maakista? Piian noijista eli taikatempuista? Tässä filmissä kirjailija Linnea Huhta kertoo viiestä eri kirjotustipsistä. Anna mielikuvitus lentää!
Pellaa muistipeli missä oon makii teemana!
Meän uuet muistipelit oon tietekki täynä makiita! Pellaa ja testaa jos muistat sanat. Piian opit uuen sanan? Jos halvaat vaikean tehtävän: pruuvaa pelata muistipeli kielelä mitä et ossaa!
Tehe meän taika-quizzi!
Jos sulla oon kaikki oikein ja sulla oon käyttökonttu voit olla matkassa meän Lotteriissa.
Färitä kuva kielielläimestä!
Nyt meilä oon uusia kuvia joita saatat kopieerata ja färittää eri färilä. Klikkaa kuvvaa niin ette se tullee isommaksi, säästä kuva ja kopieeraa paperille.
Haluaks Polarbibblo-knapin?
Jo viimen Polarbibblon veppipaikka löytyy meänkielelä ja saamen kielilä! Tämän halvaama fiirata jakamalla lapsile Polarbibblo-knappia. Knapissa oon kielielläimen kuva ja niitä oon yheksän erilaista. Kaikki lapset jokka halvaavat saavat knapin – tämä ei ole kilpailu.