Kirjota meänkielelä, harjotelhaan yhessä!
Halvakko sie kirjottaa jotaki maakista? Piian noijista eli taikatempuista? Tässä filmissä kirjailija Linnea Huhta kertoo viiestä eri kirjotustipsistä. Anna mielikuvitus lentää!
1. Ensimmäinen öövninki
Minun fasterin, siis tätin, koiran nimi oon Taika. Ei se välttämättä ossaa tehä taikatemppuja, mutta kyllä se temppuja tekkee. Kirjota kolme temppua jokka koirat pruukkaavat osata.
2. Toinen öövninki
Trollkaari elikkä noita ossaa tehä taikatemppuja. Jos sie olisit noita, minkälaisia temppuja sie tekisit?
3. Kolmas öövninki
Mikäs sinun trollkaari elikkä noita-nimi oon? Nimi oon sinun sukkaan färi, lempi-elukkan ja mitä sie söit viimheeksi. Esimerkki: Keltanen telfiini karkki.
4. Neljäs öövninki
Katto kelloa, tai laita timerin pääle. Kirjota niin monta meänkielen sanoja ko sie ossaat minutissa. Aika alkaa… NYT!
5. Viies öövninki
Käytä ensimmäinen, toinen ja viies sanaa neljännestä öövninkistä ja kirjota meininki niistä.