Dåeredh magihkem heevehth!
Dellie maa Polarbibblo gååvnese meänkieli jïh saemien gïeline!
Nemhtie Polar-snjågloe jïh gaajhkh orre gïelevoelph sijhtieh dijjine ektine eensilaakan heevehtidh. Vaeltede dijjen tråalle-klaahkide juktie daelie jïjnjh MAGIHKE Polarbibblosne sjædta! Mijjieh tsïengelen gaskese heevehtibie.
Seedth dov tjaalegh jïh guvvieh magihken bïjre, tjaalegh heamturi bïjre jallh ovmessie voejkeni bïjre. Maahta luste, ålvoes jallh barre gieltege årrodh. Barre datne mij maahtah nænnoestidh mij sjædta.
Mijjieh aaj orre magihke-spïelh jïh quiz magihken bïjre utnebe. Orre guvvieh aaj gååvnesieh maam maahtah olkese tjaeledh jïh klaeriedidh. Rïektes tjaelijh sijjen daajroeh juekieh gumhtie maahtah magihken bïjre tjaeledh. Dåeredh Polar-voelpide dan daelvien ollh maam lustem gaervehth.
Aellieh gaervehth mijjen magihke-vuerpiem!
Hævvi orre Polarbibblom edtja heevehtidh aktene sjïere stoerre vuerpine!
Datne mij kontom Polarbibblosne åtnah maahtah meatan årrodh gaajhkh dov teeksti-, guvviej- jïh quiz-illedahkigujmie. Gaajhkemmaam dorjeme jïh mij minngemes tsïengelen 15. biejjien båetieh maehtieh akte vuerpie sjïdtedh. Ojhte goh mijjen sïejhme vuerpesne maahtah gærjah jïh plaerieh vitnedh, men daelie mijjieh aaj heevehtibie jeatjaj tjaebpies åesiejgujmie.
Seehth amma dallegh! Tjaelieh magihken faamoen jïh heamturelaaketje åavtoej bïjre. . Soptsesh , ropmegi-, baltastæjjaj-, eahperi- jïh nåejtiej bïjre. Guvvedh murreds sijjieh jïh joekoen fuemtieh. Gaajhke maahta sjïdtedh magihken eatnamisnie.
Spïelh magihken-memory!
Mijjen orre memory-spïelh leah hævvi dïeves magihkine! Spïelh jïh pryövh dov mojhtestassem. Kanne datne naan orre baakoem aaj lïerh? Jis datne sïjhth jïjtjemdh eevtjedh: pryövh memorym spïeledh jeatjine gïeline maam ih maehtieh!
Orre tjaebpies guvvieh!
Daelie mijjieh orre guvvieh gïeledyjrigujmie utnebe jïh dejtie maahtah olkese tjaeledh jïh guvviedidh. Dïedth guvviem juktie stuerebe guvviem åadtjodh, vöörhkh jïh olkese tjaelieh.
Sïjhth aktem Polarbibblo-båaloem åadtjodh?
Dellie maa Polarbibbloe gååvnesi meänkieli jïh saemien gïelesne! Dam sïjhtebe heevetidh jïh sjïere Polarbibblo-båaloeh dej uktsie gïeledyjreigujmie maanide veedtedh. Gajkh maanah mah sïjhtieh maehtieh aktem båaloem utnedh – ij lea date naagkene gaahtjeme.