Käyttökonttu oon sinun oma konttu Polarbibblossa. Käytät ommaa konttua ko lähetät meile töitä ja olet matkassa kilpailuissa.
Valitte itte minkä käyttönimen halvaat. Muista ette jos käytät ommaa nimeä ja sukunimeä kaikki näkevät sen meän veppisivula. Käyttönimessä ei saa olla rumia sanoja eikä muun ihmisen nimeä, vain sinun nimi.
Jos olet alle 13 vuotta vanhin tai huoltaja pittää hyäksyä ette tehet kontun ittele.
Käyttokontule saatat säästää sinun työt ja jatkaa myöhemin. Saatat kans lähettää viestin retaktöörile joka auttaa sinua jos tarttet. Sie voit olla myötä highscore listala ko pellaat muistipeliä ja Sanajahtia. Ole matkassa Lotteriissa ja muissa kilpailuissa.
Sinun eeposti säästyy meilä ko tehet käyttökontun. Se oon persuunatieto. Jos olet alle 13 vuotta sinun vanhin eli huoltaja pittää antaa luvan klikkaamalla ruuthuun ja kirjottamalla hänen nimen. Se tarkottaa ette sinun vanhin eli huoltaja antaa luvan meilä säästää tietoa sinusta.
Jos sie halvaat olla myötä Lotteriissa eli kilpailuissa met säästämä sinun oikean nimen ja osotheen vähäksi aikaa. Jos halvaat lukea mitä tietoa ja miksi met säästämä tietoa sinusta niin lue tästä.
Sinun persuunatietoja ei koskaan anneta muile.
Älä koskaan anna kellekhään käyttönimeä, salasannaa eli eepostia sinun käyttökontule. Joku toinen saattaa mennä sinun kontule ilman luppaa.
