Neljä kysymystä avaruus-reisantile

Hei Marcus ja kiitos ette saama kysyä sulta pari kysymystä!

Met olema uteliaita sinusta lapsena. Polarbibblo oon sivu lapsile, niin ette minkälainen sie olit koulussa? Se joka halusi lukea kirjoja koko ajan, eli se joka heti laukko ulos rastile?

- Mie halusin olla ulkona rastila. Mie leikin ja mellastin kaveritten kans. 

Avaruus oon aika visto. Mitä sie tehet niin ette uskalat tehä pölättäviä ja vistoja asioita. Esimerkiksi reisata avaruutheen, haha?

- Mie freistaan oppia siittä asiasta niin paljon ko vain. Mie hunteeraan läpi net asiat jokka oon oikeasti vaaraliset ja kunka riskit saapii pienemmäksi, niin ette vaaralisia asioita ei tapahu.

Jos sie saisit valita toisen ammatin jolla ei ole avaruuen kans tekemistä. Mikä se olis?

- Mie olisin tutkinu AI:ta ja kehittäny sitä. Mie olen lukenu AI:ta ja neurofysiologiaa.

Onko sulla kirjatipsia niile jokka rakastava avaruutta?

- Joo, oon vain. Project Hail Mary ja The Martian oon Andy Weir:in kirjottamia ja sitte The Three Body Problem joka oon Liu Cixin: in kirjottama.

Polarbibblon retaksjuuni lissää tähän ette kaikki kolme kirjaa löytyy ruottiksi.