Polarbibblo historjjá
Norrbottena Regiovdna girjerájus ja álbmotgirjerádjosat Norrbottenis jođihit ovttas Polarbibblo, muhto mii gávdnojit buot mánáid várás miehtá Ruoŧa, nuortan gitta oarjjás! Nu ii lean álggu rájes. Jus don háliidat diehtit got Polarbibblo šattai sáhtát dás lohkat!
Polarbibblo riegáda
Polarbibblo álggahuvvoi borgemánu 15 beaivvi 1997 ja áigumuš lei loktet beroštumi lohkamii ja muitaleapmái. Mánát movttiidahttojuvvoje dalle juo čállit iežas teavsttaid man rávis doaimmaheaddjit sáhtte almmuhit siiddus.
Mánát hámbejedje dalle juo siiddu sisdoallu eará mánáid várás. Mánáid oavilat siiddu birra lei dalle juo dehálaš ja nu lea ain otná beaivvi.
Siidu rievdá!
Álggus lei siiddu namma Barnens Polarbibliotek ja gávdnoi sihke dáro- ja suomagillii. Sii geat barge siidduin háliidedje mánáide muitalit olles Barentsguovllu birra, namalassii riikkat mat gávdnojit Norrbottena lahkosis. Dalle lei reportar guhte čálii artihkkaliid ja govvii, ja siidu lei sullii dego webbaaviisa.
2013 ilmmai Polaridjaloddi ja Polarbibblo oaččui nama ja oasi dálá hámis ja eanemus funkšuvnnaid mat gávdnojit dál siiddus. Jus galgá leat riekta dárkil lei 2020 jahki go siidu ođasmahttoi otná hápmái.
Somás doaimmat ja ovttasbarggut
Mannan giđa mii leat ovttasbargan earret eará Piteå Summer Gamesiin, Norrbottensmusikeniin ja lágidan Mentorprográmma gos mánát oažžu deaivvadit čálliiguin geat leat veahkkin leamaš čállimiin. Mis leat maid leamaš doaimmat lobiid áiggis, ovdamearkka dihte Du girji boahtá. Lohkanlobi oktavuođas mánát sáhtte oažžut ruoktot suollemas girjji jus ledje sádden sávaldagaideaset Polarbibbloi. Mis lei maid Polaridjaloddi geasselobis. Jus mánát válde Polaridjalotti mielde geasselupmui galge maŋŋil sáddet sisa govaid, sárgumiid ja teavsttaid maid ledje ovttas bargan.
Dán áigodaga Polarbibblo šattai stuorit ja stuorit. Mii oaččuimet sisa máŋga duhát bargguid juohke jagi! Muhto min mielas mii sáhtiimet šaddat vel buoret...
Polarbibblo stuorru!
2019 plánegođiimet rievdadit ja buoridit Polarbibblo. Mii háliideimmet olahit mánáid miehtá riikka ja mii háliideimmet gávdnot eanet gielaide go ruoŧagillii.
2020 almmuhuvvoi ođđa Polarbibblo. Stuora oassi das maid ovdal lei sáhttán dahkat gávdnoi ain, nugo čállit, sárgut ja speallat, muhto mii lasiheimmet maid ođđa doaimmaid. Ovdamearkka dihte sáhtii seastit álggahuvvon bargguid ja joatkit čállimin jus mánás lei geavahankonttu.
2021 lei jahki go mánát sáhtte lohkagoahtit ja sáddegoahtit midjiide teavsttaid meängillii ja sámegillii.
2022 lei jahki go álggiimet almmuhit mánáid sámegielat ja meängielat filmmaid siiddus. Ruoŧa filbmainstituhtta lei veahkkin dán barggus.
Polarbibblo lea dál badjel 25 jagi boaris. Lea oalle boares webbasiidu! Mii leat hirbmat rámis. Ja nu guhká go bohtet ođđa geavaheaddjit, mii joatkit.
Mii áinnas háliidit diehtit maid oavvildat Polarbibblo birra. Leat go dus rávvagat ja jurdagat got siiddu sáhttá buoridit? Váldde oktavuođa!
Mii áinnas háliidit diehtit maid oavvildat Polarbibblo birra. Leat go dus rávvagat ja jurdagat got siiddu sáhttá buoridit?