Minun sporttilupa
Sporttiluvalla met olema olheet faffan stugalla ja meän stugalla. Ensin met lähimä kotia koulusta ja söimä klassia ja sitten illala met kattoima Talang-prukramin tv:stä.
Sunnuntaiaamuna met päätimä ette met lähemä faffan kans faffan stugalle. Mie, Emmeli ja pappa pakkasima meän väskyt ja sitten pappa hääty lähteä johonki toishen paikhaan. Iltapäivällä met lähimä. Ensin met lähimä Haaparanthaan syöhmään ruokaa. Ko met olima Kangosjärvelä piili sammu. Sisälä stugassa oli tosi kylmä niin mie lähin sänkhyyn ja mulla oli kaks peittoa ja yks makupussi. Sitten mie nukahin.
Ko mie heräsin oli vielä vyö, pappa oli herreilä ja mulla oli huono olo. Se oli raskas vyö. Aamula mie oksensin pothaan. Sitten mie olin pirteä vähän aika mutta mulla tuli huono olo uuvesthaan.
Mie olin sairas melkein koko päivän mutta iltapäivällä mie, pappa ja Emmeli lähimä kävelylle jään pääle. Ilalla met pelasimma Yatzya ja mie tulin saihraaksi uuvesthaan niin mie menin sänkhyyn kello seittämän.
Seuraavana päivänä met lähimä kotia ja matka piilisä meni aika hyvin paitsi ette mie oksensin kolme kertaa. Se oli aika hauska reisu sporttiluvala.
