Runokuukausi Polarbibblossa
Kirjota runoja Polarbibblossa
Jos sie lähätät sinun runon septemperi kuun aikana niin sie olet myötä lotteriissa jossa saattaa voittaa Polarbibblo paketin. Voittajat julkasthaan oktuperissa.
Jos sie halvaat lukea mielummin ko kirjotttaa, niin sie voit lukea runoja jokka muut oon kirjottannu täälä.
Kirjotusharjotuksia
Täälä oon kolme hauskaa kirjotusharjotusta. Sie saatat tehä net yksin eli kaverin kans.
Ota pänna ja paperi valhmiiksi.
Kilpaile kelloa vasthaan
Pistä taimeri pääle 60 sekunniksi ja kirjota ylös kaikki sanat mikä tullee sinun miehleen ennenko kello soipi.
Valitte sitte kolme favuriittisannaa. Kirjota lyhhyitä meeninkiä jossa sulla oon myötä sinun favoriittisanoja.
Nyt sie olet tehny runon.
Sama pukstaavi
Valitte yksi pukstaavi. Kirjota runoja jossa niin monta sannaa ko maholista alkaa sillä kirjaimella
Esimerkiksi:
- Kaunis kilpikonna kiipesi kuusheen
- Kuusessa kilpikonna katto käpyä
Rimmaa
Kirjota sanoja jokka rimmaavat.
Esimerkiksi:
- Talo, palo, valo
- Veri, meri, peri
- Tie, vie, sie
Sanakone
Jos sulle ittele ei tule miehleen sanoja, sanakone auttaa sinua.
Enämpi runhoutta!
Täälä oon vähän kälmimpiä tipsiä kunka kirjotethaan runoja.
Lykkyä tykö sinun runon kans!