Oaivilčálus-skuvlii
Dá leat min cavgileamit got čálát buori oaivilčállaga!
- Čále bajilčállaga. Bajilčála lea teavstta namma. Bajilčála galga moattiin sániin govvidit fátta ja geasuhit.
- Čále álggahusa. Dat galgá vástidit jearaldahkkii: ”Maid mon háliidan loktet mu čállagiin?” Muital oaivildeaset.
- Muital duogáža birra. Dalle sáhttá lohkki ipmirdit váttisvuođa buorebut.
- Čilge. Manin lea dehálaš čoavdit váttisvuođa?
- Árval got váttisvuođa galgá čoavdit. Čilge manin du čoavddus lea buorre.
- Loahpahus. Čoahkkáigease čállaga dahje ávžžut lohkkiid čoavdit váttisvuođa.
Ovda mearka:
- BAJILČÁLA: Ii oktage háliit stoahkat váivves skuvlašilljus
- ÁLGGAHUS: Min skuvlašilljus ii sáhte suohtastallat. Bottut leat váivvit ja mii vuordit ahte dat nohket.
- DUOGÁŠ: Buorre skuvlašillju geasuha ja stoagaha! Mon váččán Gammelskuvllas Nystadas. Dáppe lea dušše geađgešillju mas golbma suhkosa. Bottus ii sáhte maidege bargat jus ii liiko spáppa čiekčat. Eanas áiggi mii dušše ságastit ja geahččat telefuvnna. Olusat eai obanassii vuolgge olggus bottus.
- ČILGEHUS: Dat lea heittot danin go bottus ferte lihkkat ja olguáimmu vuoigŋat nu ahte nagoda skuvlabargguiguin.
- ČOAVDDUS: Min skuvlašillju šattalii somábut goargŋunstellegiin, ustitsuhkkosiin, basketgoriiguin ja dearpmážiin gos sáhtálii čierastit dálvet. Livččii geasuheaddji jus gilvválii muoraid ja biestagiid ja bijalii eanet čuovggaid.
- LOAHPPA: Jus Nystad bijalii ruđa min skuvlašilljui oahppit šattale eanet ilolaččat ja birgele skuvlabargguiguin buorebut. Mii ánssášit dan!
Go leat čállán oaivilčállaga sáhtát dan midjiide sáddet ja mii almmuhit dan siiddus.