Geat dáppe barget?
Geahča dán siiddu ja loga eanet visot bargiid birra dáppe. Soamis muitala nieguid birra, okta iežá mas ballá dahje makkár buoremus báiki lea. Visot orrut goitge ovttaoaivilis ahte Polarbibblo lea buorre ja dorvvolaš siidu mánáide.
Alexandra
Mu namma lea Alexandra ja mu bargu lea ovddidit Polarbibblo. Nu ahte lea dorvvolaš báiki gos mánáid jurdagat ja fantasiija boahtá oidnosii ja dat lea buoremus Polarbibbloin.
Lea fal buorre báiki mánáide muhto muital eanet du birra. Gos liikot eanemusat leahkit ja balat go mas nu, allodagaid?
Mu buoremus báiki lea duođas leahkit alla duoddariin, ovdamearkka dihte Lulliriikkas, nu das mon in bala. Muhto mon balan stuorra hevdniin.
Annette
Mu namma lea Annette, ja orun dálus ja ráhkistan lohkat, guolástit, hárjehallat čázis, mannat teáhteris ja čoaggit liđiid. Polarbibblos mus lea ovddasvástádus nášuvnnalaš unnitlogugielain.
Lea sáhka ahte dus lea superfápmu. Jávká go jus muitalat mii dat lea?
Dieđusge sáhtán muitalit! Mu superfápmu lea ahte ságastan meänkieli.
Mas don balat?
Vuojasit biillain jieŋa nalde lea unohas. Nugo riisenbuvru.
Desirée
Mu namma lea Desirée ja barggan girjerájushálddaheaddjin Biŧoma Gávpotgirjerádjosis ja Polarbibblos mus lea ovddasvástádus sárgumiin ja divttain.
Don máhtát oalle čáffas giela. Man gohččodat dan fas?
Mon máhtán gulahallat visuála-láhttadan gielain, namalassii giehtagielain mii geavahuvvo jus lea gullanváttut, bealjehissohken dahje lea iežá doaibmahehttehus. Máilmmi čábbámus giella mu mielas.
Manin leat oahppan dan ja got giehtagiella doaibma? Muital eanet!
Mu viellja lea bealjeheapme ja de mon maid lean oahppan giehtagiela. Visot riikkain lea iežas giehtagiella. Visot, sihke olbmot ja ealibat ožžot iežas persovdnamearkkaid. Mu beatnagis lea persovdnamearka mii vuoseha ahte sus lea luŋkebeallji ja dat lea su dovdomearka, dat lea veháš somá!
Makkár du giehtamearka lea ja got dahká dan mearkka?
Mus lea mearka modjegohpái dan dihte go mus lea diekkár. Bija olgeš čelččema njálmmi olgeš beallái de lea dan dahkan!
Ja loahpas juoga ollát iežá. Don dajat ahte balat sevdnjes, čiekŋalis čázis. Manne?
Mon in dieđe, muhto dovdo dego gávdno juoga unohas doppe botnis mii háliida borrat mu juolgesuorpmaid.
Emma
Mu namma lea Emma ja barggan girjerájusbargin Biŧomis ja doaimmaheaddjin Polarbibblos.
Muital juoidá maid ii aktage dieđe du birra, čiegusvuođa soaitá?
Mus lea niehku hukset dálu ovtta unna gilážii ja de mon balan hui ollu gissiin. Stuorrát ja unnit balan visuin.
Gullo ahte dus lea geavatlaš superfápmu, ovdamearkka dihte jus galgá hukset niehkodálu?
Mu superfápmu lea sárgut, nu mon soaittán sáhttit álgit sárgut mu niehkodálu ovdal go álggán hukset.
Mii lea buoremus Polarbibbloin?
Visot hirbmat buori buktagat mánáin miehtá Ruoŧa.
Ida
Mon lean Ida ja barggan sámi gielaiguin Polarbibblos.
Lea go dus soames čiegusvuohta dahje juoga maid ii aktage dieđe du birra?
Mon lean hui váibmil islándalaš goikeguollái ja lean hirbmat čeahppi čorget ja bordit veaskkuid.
Lea go duohta ahte liikot leahkit duoddaris ja riidet muhto goitge balat allodagain?
Haha! Nu fal lea. Duoddaris ja heastasealggis mon vajálduhtán ballat allodagain.
Julia
Mu namma lea Julia Rensberg ja lean giellaberošteaddji ja mus lea iežas duodjefitnodat.
Makkár ávdnasiiguin duddjot?
Mon duddjon eanemusat sasttiin, muorain ja čorvviin.
Don orut liikome leahkit olgun sihke geasset ja dálvit?
Nu lea! Mu buoremus báiki lea jieŋa nalde giđđabeaivvi go beaivi báitá vikšamuorain gieđas, dahje jolle-fatnasis dan dihte go mon nuorabun lávejin borjjastit ollu optimistjollen.
Muital makkár superfápmu dus lea!
Mu superfápmu lea ahte mon máhtán ságastit bohccuiguin.
Gelddolaš superfápmu. Jáhkát go bohccot ballet seammá diŋggain go don?
Dan gal jáhkán! Mon balan dálkkádatrievdamis.
Linda
Mu namma lea Linda ja mon barggan Polarbibblo sisdoaluin. Mon čálán ollu teavsttaid, geahččalattan visot ođđa diŋggaid mat bohtet siidui ovdal go mii almmuhit daid. Mon lean maid sárgun ollu daid govain ja ráhkadan eanemusaid bácciin govvamuitalusealibiin. Mon divodan buktagiid ja lea dan guhte vástidan e-boastta go don čálát minsiidda.
Lea go duohta ahte muittát visot maid oainnát ja gulat?
Juo, lea duohta! Mus lea hirbma buorre muitu ja muittán eanemusat maid lean lohkan, oaidnán dahje gullan.
Mii lea dat vearrámus maid dieđát?
Gotkkat 😱
Muital čiegusvuođa du birra dahje juoga iežá maid ii aktage iežá dieđe du birra.
Mon reavggun dušše go mus lea borranhállu, ii go lean gallas.
Mervi
Mu namma lea Mervi ja go don oainnát ahte leat ođđa teavsttat dahje doaimmat siiddus de soaitá lean mon guhte lean almmuhan daid. Go don sáddet divtta dahje muitalusa de lea muhtimiin mon guhte bijan daid oidnosii siidui.
Mii lea buoremus Polarbibbloin?
Polarbibblo movttiidahttá mánáid geavahit meänkieli ja sámigiela. Leat gielat mat leat gávdnon Ruoŧas oalle guhká muhto maid máŋgasat eai máhte ságastit šat.
Mii lea du buoremus báiki?
Mon lean oastán vancca ja sávan ahte dat galgá šaddat mu buoremus báiki muhto mon in dieđe. Dat soaitá dušše šaddá balddonas ja ollu bárut. Soaitá dus lea ráva munnje got eananreabbá šaddá mearramanni?
Sanna
Mu namma lea Sanna ja mon lean boazobargi. Dás Polarbibblos mu bargu lea váldit vuostá mánáid buktagiid julevsámigillii ja almmuhit daid siidui.
Lea go dus makkárge superfápmu ja gávdno go čiegusvuohta man sáhtát muitalit du birra?
Juo, mu superfápmu lea ahte mon sáhtán čuožžut gieđaid nalde ja okta čiegusvuohta lea ahte mus lea njálgáčiegus seaŋgga vuolde.
Sáhtát go cavgilit mii lea somámus dahkat Polarbibblos?
Somámus Polarbibblos mu mielas lea speallat memory!
Juo, dat sáhttá leat somá! Na makkár lea du buoremus báiki?
Mu buoremus báiki lea duoddaris min geasseorohagas Saluhávrres.
Sara
Mon lean Sara ja mon lean nuoraidgirjerájusbargi. Muhto mon liikon nu sakka bargat nuoraid mánáiguin nu mon láven suoládit veaháš máinnasbottuid ja bealle girjejoavkku mu bargoustibis.
Man somá go liikot du bargui muhto mainna háliidedjet bargat mánnán, muital!
Go mon ledjen gávcci mon háliidin bargat suovvabohcce-buhtisteaddjin. Mu mielas orui leahkimin somá beassat goargŋut dáhkiid nalde ja leahkit nu duolvvas go háliidin.
Lea go dus makkárge superfápmu mii dahká du erenoamážin?
Lea fal. Mu supperfápmu lea ahte sáhtán válljet eret gullat jienaid. Jus lea muosehuhtti jietna mu birra de mon máhtán heaitit guldalit dan. Dađi bahábut de in álo gula váikko leat ságasteame muinna. Vuoi, vuoi!
Ja ahkit jus dáhpáhuvalii go soamis sihtá du čorget dahje bassat lihtiid. Gávdno go soames báiki masa liikot, gos sáhtát bosihit?
Gávdno okta báiki man namma lea Bergnäs, mii lea Árviesjávrrie ja Árjepluovve gaskkas. Dat báiki gullo mu eamidii ja su vehkii, muhto mon dovddan dego mon lean ruovttus doppe. Doppe visot maid mon ráhkistan gávdno, veaháš muorat, ollu čáhci ja ii nu ollu maid ferte bargat.
Riiffut, lea go dat juoga man háliidivččet atnit dálloealibiin?
Ii fal! Mon balan issorasat riiffuin. Okta ja seammá makkár riifu, skálžžut dahje meahcceriiffut dahje afrihkálaš stuorra riiffut. Visot lea hui balddonasat!
Stina
Mu namma lea Stina ja mon barggan Biŧoma gávpotgirjerádjosis. Doppe mon oalle dávjá gávnnadan mánáiguin sierra agiin ja attán girjerávvagiid dáidda.
Mii du superfápmu lea?
Mon máhtán njáhkat jávohaga dego ninjá!
Vuoi man čáffat! Mii du mielas lea buoremus Polarbibbloin?
Jurddaš ahte visot mánát sáhttet oažžut vejolašvuođa almmuhuvvot, mu mielas dat lea hirbmat buorre. Ja de mon liikon sátnemašiinna, das ožžo álo ođđa ja somás jurdagiid.
Mas don balat?
Mon balan lottiin, erenoamážit skávhlliin.
Therese
Mu namma lea Therese ja orun mu veagain ja golbma stuorra beatnagiiguin, gissiin, sávzzaiguin ja vuoncáiguin unna gilážis man namma lea Mockträsk Suttesa/Bodena olggobealde. Mon lean čálli ja čálán girjjiid mánáide ja nuoraide ja de mon barggan Polarbibblos.
Lea go dus buorre fantasiija go don fuobmát nu ollu muitalusaid ja čálát girjjiid?
Lea fal! Mon livččen lohkat ahte fantasiija lea mu superfápmu. Danin mus ii leat goassige ahkit.
It go sáhte muitalit soames čiegusvuođa dahje juoga mii guoská du fantasiija?
Go mon ledjen mánnán de mon jáhkken dat orui dálloulda min luhtte. Luŋkkáid duogis boares kakelommánis mii ii geavahuvvon. Mon dahken seaŋgga dohko ja bidjen biepmu sutnje. Ja biebmu jávkai! Muhto leai vissasit gissi mii borai dan. Vai maid don jáhkát?
Soaitá leai ulda goitge? Muhto muital, mii du mielas lea buoremus Polarbibbloin?
Buoremus Polarbibbloin lea ahte gávdno! Jus dat gávdnolii juoga dakkár go mon ledjen mánnán de livččen ráhkistan dan. Mon liikojin čállit, muhto mus ii lean rávesolmmoš guhte sáhtii veahkehit mu dáinna.