Njeallje jearaldaga artistii: Simon Issát Marainen

Bures Simon Issát Marainen! Man somá go min besset du jearaldit.

Vuosstaš jearaldat:

Goas don álget lávlut ja juoigat?

Vástádus:

Lean mánnávuođa rájes lávlon ja juoigan. Dávjá oaččun jearaldaga goas mon juoigagohten ja dasa láven vástidit ahte in muitte goas mánnán álgen ságastit ja inge muitte goas mánnán álgen juoiga. Nu lunddolaš lea dat munje leamašan. Juoiga lea munje liige giella.

Nubbát jearaldat:

Geainna don hálidivččet lávket ovttas lávddi ala?

Vástadus:

In nu dávja diekkár gazaldagaid jurddaš muhto go dál de oaččun jeraldaga de ferten vástidit Jose Gonzales dahje Laleh.

Goalmmát jearaldat:

Leatgo artistan beassan mátkkoštit vuordemeahttun báikái?

Vástadus:

Luohti lea dolvon mu ollu vuordákeahtes báikkiide miehtá máilmmi. Ferten goit namuhit Botswana, Kina ja Guatemala.

Njealját jearaldat:

Leatgo neavvagat dasa gii áigu šaddat lávlun dahje juoigin?

Vástádus:

Vuostazettin ferte lea somá, vaikko man dásin don juoiggat dahje lávllut. Ja go lea somá de boahta visu lunddolačča. Ja jus lávdái hálida de ale geahččal iezái ađestallat ja barga nugo iezát barge, don dat leat! Don dat mearridat!

Govva: CJ Utsi.