Gïeh daesnie barkeminie?

Vuartesjh daam sæjroem jïh lohkh ånnetji gaajhki barkiji bïjre. Muvhth saarnoeh sijjen nïekedassi bïjre, mubpieh jis mestie billieh jallh gusnie sijjieh bööremes murriedieh. Gaajhkesh gujht jeahteme Polarbibblo hijven jïh jearsoes sæjroe maanide.

Alexandra

Mov nomme Alexandra jïh manne Polarbibblom evtedem jïh orrestahtam. Maam vuajnam bööremes Polarbibblosne, dïhte jearsoes sijjie maanide gusnie maanaj åssjaldahkh jïh ïedtjh åadtjoeh vååjnesasse båetedh.

Ojhte hijven sijjie maanide, men saarnoeh jeenjebem jïjtjedh bïjre. Gusnie datne murredh jïh mejtie mestie bïllh, barre goh jolledahkijste?

Jolle baektine manne bööremeslaakan murredem, barre goh Luvlierïjhkesne, guktie dejstie im leah aerkie goh. Stoere hievnijste gujht bïllem.

Annette

Mov nomme Annette, manne gåetesne årroem jïh eahtsam lohkedh, gööledh, tjaetsesne saavredh, teaterisnie mïnnedh jïh blåammah bihkedh. Polarbibblosne mov dïedte lea dah nasjonaale unnebelåhkoegïelh.

Saernieh juhtieh dov lea superfaamoe. Maahtah soptsestidh mij, vuj mejtie haajpene dellie?

Maahtam badth saarnodh! Mov superfaamoe lea maehtedh meänkieli soptsestidh.

Mestie dellie bïllh?

Tuhtjem ïskeres bïjline jïengen nelnie vuejedh. Rijsekrovnekraavhtse aaj.

Desirée

Desirée mov nomme jïh manne gærjagåetieadministratöörine barkeminie, gærjagåetesne man nomme Piteå Stadsbibliotek. Mov barkoe guvvide jïh tjihtesidie vuartasjidh.

Datne dan lustes gïelem maahtah. Guktie bist dam gåhtjoejih?

Maahtam gïetegïelesne goerkesadtedh, dellie barre goh gïetigujmie soptsestem. Dam gïelem nuhtjie jis nåake gåvla, jis bieljiehtadtje jallh jis jeatjahlaakan fiejlien. Eatnemen tjaebpemes gïele, jis mannem gihtjh!

Guktie dam leah lïereme jïh magkere dïhte gïetegïele? Jeenjebem soptsesth!

Juktie mov vïelle bieljiehtadtje, dellie manne aaj lïereme. Gaajhkene laantesne sjïere gïetegïele. Gaajhkesh, dovne almetjh jïh juvrh jïjtsh væhtam åadtjoeh. Mov bïenjen vihties væhta mij vuesehte dan akte gåebriebieljie. Naa luste!

Magkeres væhta dov, jïh guktie dam dorje?

Mov væhta vuesehte munnjan krogke vååjnoe njaelmien baaktoe gosse mojjestem. Naemhtie darjoeh: dellie åelkies ohtjesoermem njaelmien åelkies bealan bïejh!

Datne såårneme datne jemhkelds, gïengeles tjaetseste aerkie. Mannasinie?

Im daejrieh gænnah mannasinie. Domtoe maaje goh mij akt ïskeres dunnie jaevrienbetnesne gååvnese, mij sæjhta mov juelkiensoermijste gaetskiestidh.

Emma

Mov nomme Emma jïh manne gærjagåetiebarkijinie Pihtámisnie barkem jïh dovne Polarbibblon redaktöörine.

Vuajnah saarnoeh maam ij guhte dov bïjre daejrieh, naan tjeakoesvoetem?

Mov nïekedasse akten onne voenese gåetiem tseegkedh. Manne gaahtojste tjarke bïllem, seamma badth jis stoere vuj smaave.

Muvhth jiehtieh dov lea aevhkies superfaamoe, mij maahta hijven gosse edtjh nïekedsgåetiem tseegkedh?

Manne maehtehtje guvviedidh. Dellie kaanne jïjtje maahtam mov nïekedsgåetiem guvviedidh åvtelen aalkam tseegkedh.

Mij bööremes daennie Polarbibblosne?

Gaajhkh dah tjaebpies saadtegh mejtie maanijste åadtjobe, Sveerjen gellede lehkeste.

Ida

Manne Ida, jïh manne saemien gïeligujmie barkem Polarbibblosne.

Mah dov naan tjeakoesvoete, vuj mij akt maam ij gie gænnah daejrieh dov bïjre?

Manne dan Jïengelaanten gajhkeldh gueleste, jïh dle væjkele leam sjeakodh jïh voessh veaskoeh tsagkedh.

Mah saatnan datne vaeresne lyjhkh mïnnedh rijredh, jïh læjhkan jolledahkijste bïllh?

Haha! Ojhte nimhtie! Vaeresne jïh hierkien rudtjesne manne vååjeldahtam jolledahkijste bïlledh.

Julia

Mov nomme Julia Rensberg. Manne gïelh gaarhtam jïh mov lea jïjtjene vætnoesïelte.

Magkeres vætnoe?

Dellie saemienvætnoeh darjoem. Manne jeenjemasth skåerreste, moereste jïh tjåerveste vytnesjem.

Vååjnoe goh datne olkene murredh dovne giesege jïh daelvege?

Dam badth! Bööremeslaakan jïengesne murredem goekedh gïjrebiejjien jïh gosse håagkstaavra gïetesne, jallh gosse ohtje vïnhtsesne tjahkan. Goh noere lim, dellie giesege vöölkim siglen dagkarinie, maam daaroen gåhtjoeh Optimistjolle.

Saarnoeh magkeres superfaamoe dov!

Maahtam bovtsigujmie soptsestidh.

Van lustes superfaamoe. Mah vïenhth bovtsh aaj billieh mestie datne bïllh?

Vïenhtem! Manne daalhkadahkejorkesimmeste bïllem, eatnemen baahkenimmeste.

Linda

Linda mov nomme jïh manne Polarbibblon sisveginie barkem. Manne jeenjh teeksth tjaalam, jïh dle geehtestem jïh pryövestem guktie sæjroen gaajhke orre sisvege hijven vååjnoe åvtelen dahkoe luejhtebe. Manne dïhte leam jeenjh guvvieh dorjeme jïh guvviesoptsesi juvride hammoedamme. Manne saadtegh staeredem jïh manne dïhte dov e-mailide vaestedem gosse mijjide tjaalah.

Mejtie saatnan datne gaajhkem måjhtah maam vuajnah jïh govlh?

Lea! Mov dan hijven mojhtese guktie jeenjemassem måjhtam mestie lohkeme, vuajneme jallh govleme.

Mij ïskerommes dutnjan?

Garhkh 😱

Sïjhth tjeakoesvoetem saarnodh maam ij gie dov bïjre daejrieh?

Kraavhkestem gosse tjohkehtovveminie, im badth gosse gallanamme.

Mervi

Mov nomme Mervi jïh gosse vuajnah orre teeksth jallh darjoemassh sæjrose båateme, dellie kaanne manne dïhte dejtie bæjjoehtamme. Muvhtene gosse tjihtesem mijjide seedth jallh jeatjah soptsesem, dellie manne gie dejtie sæjrose bïejem.

Mij dov mïelen mietie bööremes Polarbibblosne?

Polarbibblo maanide madtjeldahta meänkieli jïh saemien soptsestidh. Dah gïelh Sveerjesne orreme ihkie man guhkiem, mejtie eah dan gallesh vielie maehtieh.

Gusnie datne murredh?

Manne vïnhtsem åasteme jïh vaajtelem edtjem desnie murriedidh, men im daejrieh. Mejtie sån barre ïskeres sjædta jis stoere baaroeh båetieh. Mah dov naan raerieh guktie sagke buerebe aalkam jaevresne murriedidh?

Sanna

Manne Sanna jïh manne bovtsedaejrije. Daennie Polarbibblosne mov barkoe maanaj julevsaemien saadtegh dåastoehtidh jïh sæjrose dejtie bïejedh.

Mah dov naan superfaamoe vuj tjeakoesvoete jïjtjedh bïjre?

Lea. Maahtam gïeti nelnie tjåadtjodh. Mov tjeakoesvoete seangkoen nuelesne, gusnie fæjhkavåarhkoem åtnam.

Mij lustemes darjomes Polarbibblosne?

Lustemes tuhtjem memorym spealadidh!

Dïhte hov luste! Gusnie bööremes murredh?

Manne giesielaantesne murredem, jaevrien lïhke man nomme Saluhávrre.

Sara

Mov nomme Sara jïh manne noeregærjagåetiebarkije. Tuhtjem dan luste nuerebe maanajgujmie barkedh, guktie provhkem vaajeseboelhkh sualadidh jïh bielie-gærjaklubbem jïjtjene barkoeguejmeste.

Van luste jïjtjedh barkoem lyjhkh. Idtjih goh jeatjebem sïjhth darjodh goh maana lih? Saarnoeh!

Goh gaektsien jaepien lim, dellie sïjhtim govneseepijinie barkedh. Tuhtjim dan luste vååjni åadtjodh rehpien nïlle goetsedh jïh vaarjojde baajedh ihkie man govnen sjïdtedh!

Mah dov naan joekoen superfaamoe?

Mov badth aaj. Jis naan tjoeje maam im sïjhth govledh, dellie orrejem dam goltelidh. Maaje muvhtene ij leah mov mïele, jïh dellie sååjhtoe im govlh maam almetjh munnjan jiehtieh gænnah. Oi!

Nåa, nåake jis gie akt datnem birreste lihtieh bïssedh jallh sjeakodh. Gusnie datne murredh jïh gusnie datne bööremes lïegkedh?

Sijjesne, man nomme Bergnäs, gaskoeh Árviesjávrriem jïh Árjapluovvem. Dïhte mov gujnen sijjie jïh sov fuelhkien, men manne gujht aaj desnie murredem. Desnie gaajhke maam eahtsam, desnie moerh, jeenje tjaetsie jïh vaenie destie maam tjuara darjodh.

Mah sïjhteme gyhtselh utnedh gåetien sisnie?

Aell’ aellieh! Manne gyhtselijstie aerkie. Saaht magkeres gyhtselistie jallh gyhtselegåeteste. Dah dan ïskeres, gaajhkh!

Stina

Manne Stina jïh manne gærjagåetesne barkem, man nomme Piteå Stadsbibliotek. Desnie daamtaj dovne nuerebe jïh båarasåbpoe maanajgujmie gaavnedem, jïh dle raerestem magkeres gærjah maehtieh lohkedh.

Mij superfaamoe dov?

Maahtam soelke njaakedh goh ninja!

Ååh, van luste! Maam datne jis vuajnah bööremes Polarbibblosne?

Mijjen luvnie gaajhkh maanah hillem åadtjoeh sijjen saadtegh gaskevearman bïejedh, dïhte joekoen hijven. Manne baakoemasjijnem lyjhkem, dïhte skraejrine orre åssjaldahkh buektedh.

Mestie datne bïllh?

Ledtijste, eeremes moevsijste.

Therese

Therese mov nomme jïh manne jïjtjene fuelhkine årroem, jïh golmine stoere bïenjine jïh gaahtojne. Mijjen sïrvh jïh vöönhtsh aaj dennie aktene onne voenesne, man nomme Mockträsk Boden’n ålkolen. Manne gærjah tjaalam, dovne maana- jïh noeregærjatjaelije leam, jïh dellie Polarbibblosne barkem.

Mejtie dov gåajkoe daamtaj orre åssjaldahkh båetieh, juktie dan vïssjele leah soptsesh måjhtajidh jïh gærjah tjaeledh?

Vihties! Dïhte golh mov superfaamoe. Jïh dejnie im gåessie gænnah vïssjehtovvh.

Ih goh tjeakoesvoetem saarnoeh jallh maam jeatjebem?

Goh maana lim, vïenhtim naan båeries onne aajjetje mijjen bealesne årroeminie. Båeries vuebnesne maam idtjimh vielie provhkh. Manne seangkoem dahkoe laatjoejim jïh beapmoeh dïsse buektiejim. Jïh beapmoe haajpani! Aervedem barre gaahtoe dïhte bårri. Vuj maam datne vïenhth?

Ij goh sån naan aajjetje læjhkan lih? Saarnoeh mij dov mïelen mietie bööremes Polarbibblosne!

Bööremes gujht dïhte gååvnese! Luste lij jis mov maanabaelien aaj naan dagkere. Manne gidtjh lyjhkim tjaeledh, men ij lih naan geervealmetje lïhketjisnie gie mannem meehti dejnie viehkiehtidh.