Till navigering av sidans innehåll Till övergripande innehåll för webbplatsen

GDPR

Webbesijjie gellien aejkien bïevnesh dov bïjre spååroeh maam sajtesne provhkoe. Vihkeles dellie daejredh maam webbesijjie spååroe jïh maam dejnie dorje. Mijjieh Polarbibblosne bïevnesh dov persovnen bïjre gïetedibie akten öörnegen mietie mij daatah vaarjele dataskyddsförordningen (GDPR). Ibie gåessie gænnah dov bïevnesh gïese jeatjabasse vedtebe! 

Daesnie maahtah lohkedh mij bïevnesidie Polarbibblo dov bïjre spååreme: 

Nommehth  

Jis sijjiem nommehth provhkh jïh aamhtesh seedth namhtah utnije ibie naan bïevnesh dov bïjre spåårebe. Ij naan mijjen redaktöörijste jallh jeatjah maanah sajtesne daejrieh gie datne jallh mij dov nomme. 

Utnije 

Jis utnijem tseegkh mejladressem spåårebe maam mijjese vadteme. Aaj spåårebe jis nuerebe 13 jaepeste jallh ij. Gaajhkh aamhtesh mah seedth dov mejladressese dibrehtovvieh, dannasinie dïhte dov mejladresse vihkeles. Dïhte dov identiteete Polarbibblosne. Barre åejvieredaktööre gie dov mejladressem maahta vuejnedh jïh mejtie 13 jaepien båeries jallh ij.  Dah redaktöörh gïeh aamhtesh gïehtjedieh jïh jeatjah maanah sajtesne barre dov utnijenommem maehtieh vuejnedh maam veeljih gosse dov utnijem tseegkih. Dov mejladressem sliejhtesåvva easkah gosse jïjtje veeljh dam dov kontom orrijidh.  

Gærja- jïh plaerievuerpie 

Gosse datne mij utnijem åtna sïjhth meatan Gærja- jïh plaerievuerpesne årrodh aaj dam dov rïektes nommen mietie gihtjebe, man båeries, dov adressem jïh påastenommerem dennie dov årromesijjesne. Dam darjoejibie jis maehtedh seedtedh dam maam vitneme jis vitnh. Dah bïevnesh barre redaktööre maahta vuejnedh gie Gærja- jïh plaerievuerpine barka. Guhkemes barre aktem askem dam spåårebe, gosse Gærja- jïh plaerievuerpesne våårpeme dejtie giejtie vitneme. Dan mænngan dov nommem, man båeries, adressem jïh årromesijjiem mijjen daatabaaseste sliejhtebe. Dov påastenommerem spåårebe guktie maehtedh statistihkem tjöönghkedh, men ij dïhte dov nommese dibrehtåvva jallh gie datne.  

Jeatjah gaahtjemh jïh aktiviteeth 

Gosse sjïere gaahtjemh jïh aktiviteeth kanne aaj bïevnesh dov bïjre daarpesjibie spååredh. Dellie spååresuvvieh gossege gaahtjeme jallh aktiviteete orrijamme. Dan mænngan sliejhtesuvvieh.  

Aamhtesh jallh kontom sliejhtedh 

Gåarede dovne aamhtesh jïh dov kontom sliejhtedh. Jïjtje maahtah aamhtesh maam spååreme sijjesne ”Mov bielieh/Mina sidor”, rubrihkesne ”Spååreme aamhtesh/Sparade bidrag”. Jis sïjhth aamhtesh maam seedteme jallh bæjhkoehtamme dellie tjoerh redaksjovnine govlehtidh. Dam darjoeh mijjen sijjesne govlehtallemegoerine. 

Jis dov kontom sïjhth sliejhtedh tjoerh aaj redaksjovnine govlehtidh. 

Aamhtesh maam seedtesovveme nommehth ij maehtieh sliejhtedh.

Bïevnesh åadtjodh maam Polarbibblo dov bïjre spååreme

Jis sïjhth daejredh magkerh bïevnesh Polarbibblo dov bïjre spååreme maahtah dan mietie gihtjedh. Govlehth mijjine mijjen goeren tjïrrh.

Cookies (kakor) 

Polarbibblo cookies provhkoe, dejtie aaj gohtje kakor. Akte cookies lea onne teekstefïjle mah webbesijjieh dov datovrisnie sijhtieh spååredh. Teekstefijlesne bïevnesh guktie webbesijjie buerebe jåhta.

Provhkebe dagkerem maam gohtje sessionskaka. Dïhte haajpene gosse datovrem jallh webbelohkijem jamhkah.

Ij naan bïevnesh mah vuesiehtieh gie datne 

Ij leah mijjen cookiesisnie naan bïevnesh gååvnesieh mij maahta vuesiehtidh gie datne jallh naan jeatjah sjïere almetje. Ij gænnah naan vijrush desnie gååvnesieh jïh ij naan jeatjah bïevnesh maahta sliejhtedh dov daatorisnie. 

Jamhkedh cookies

Jis ih sïjhth Polarbibblo edtja cookies provhkedh maahtah dam funksjovnem jamhkedh dennie dov webbelohkijisnie maam provhkh. Dam darjoeh dennie sijjesne gusnie webbelohkijen tjïrkesvoetem gïetedh. Dellie maahta geervebe sjïdtedh webbesijjiem provhkedh enn maam datne vaane darjodh.  

Jis ih sïjhth Google Analytics edtja ryöknedh man gellien aejkien sijjesne orreme maahtah lissiem webbelohkijasse bïejedh. Gihtjh naan geerve almetjem viehkien mietie.