Polarbibblon histovrije
Norrbotten Dajvegærjagåetie jïh Norrbotten gærjagåetiej ektine Polarbibblom juhtieh men daanbien mijjieh gaajhkh Sveerjen maanide gååvnesieh, noerhtelistie åarjese! Ij lij nimhtie aalkovistie. Jis sïjhth lohkedh guktie Polarbibblo eelki maahtah daam daesnie darjodh!
Polarbibblo eelki
Polarbibblo mïetsken 15 b. jaepien 1997 eelki goh akte saajte mij sïjhti gåaskodh jïh eevtjedh tjetskehke gærjah årrodh, lohkedh jïh soptseshtidh. Joe dillie maanide garmerdehtin jïjtsh teksth tjaeledh mah geerve redaktöörh viehkiehtin saajtese bæjhkoehtidh.
Maahta gujht jiehtedh saajten sisvege jov dellie maanijste maanide skaepiedamme. Vihkele joe dellie maam maanah bielien bïjre tuhtjin jïh naemhtie gujht daelie aaj.
Saajte jeatjahtåvva!
Voestegh saajten nomme lij Maanaj Polarbibblo jïh dovne nöörjen jïh soemen gïeline gååvnesi. Dah mah saajtine barkin sïjhtin maanide abpe Barentsdajven bïjre saarnodh, dah laanti bïjre mah Norrbotten lïhke. Dellie akte reportere gååvnesi mij artihkelh tjeeli jïh guvvieh vaeltieji, jïh saajte goh akte webplaerie lij.
Jaepien 2013 Polarsnjågloe sjïdti jïh Polarbibblo nommem åadtjoeji jïh mahte seammalaakan vååjnoe goh daanbien dej jïjnjemes funksjovnigujmie mah saajtesne gååvnesieh. Jis edtja tjïertestidh dellie daaletje saajte jaepien 2020 sjïdti.
Lustes darjoeh jïh laavenjostemh
Jaepine mijjieh ektesne barkeme v.g. Piteå Summer Games, Norrbottenenmusihkine jïh Mentorprogrammem steereme gusnie maanah åadtjoeh tjaelijh råekedidh mah maanide viehkietin sijjen tjaalegigujmie. Mijjieh aaj darjomh åtneme gosse eejehtimmie, v.g. Dov gærja båata, gusnie maanah meehtin Lohkeme-eejehtimmesne tjeakoes gærjam åadtjodh gosse Polarbibblose vaajtelem seedteme. Jallh mannasinie ij Polarsnjågloem giesie-eejehtimmesne, gusnie maanah sijjen eejehtimmesne meehtin Polarsnjågloem meatan vaeltedh jïh guvvieh seedtedh, guvvieh jïh teksth man bïjre ektesne dorjeme?
Daan tïjjen Polarbibblo stuerebe jïh stuerebe sjïdti. Mijjieh gellie stoeretjuetie darjomh fïerhten jaepien åadtjoejin! Men læjhkan tuhtjin mijjieh meehtin buerebe sjïdtedh.
Polarbibblo ennje sjïdteminie!
Jaepien 2019 mijjieh eelkimh soejkesjidh Polarbibblom jeatjahtehtedh jïh bueriemdidh. Mijjieh sïjhtin maanah abpe laantesne jaksedh jïh mijjieh sïjhtin jienebh gïeline aaj gååvnesidh enn daaroen.
Jaepien 2020 dïhte orre Polarbibblo bööti. Jïjnjh dejstie båeries aamhtesistie ennje aajmene, goh tjaeledh, guvviedidh jïh spealadidh men mijjieh aaj orre aath bööktim v.g. barkoeh mejnie aalkeme maahta vöörhkedh jïh vihth mænngan tjaeledh jis dov lea konto.
Jaepien 2021 dillie maanah meehtin teksth meänkielin jïh saemien gielineaelkedh tjaeledh jïh seedtedh.
Jaepien 2022 dillie maanaj filmh saemien gieline jïh meänkielin eelkin saajtese bæjhkoehtidh. Sveerjen filminstituhte meatan jïh dejnie viehkiehti.
Polarbibblo daelie bijjelen 25 jaepien båeries. Dïhte lea joekoen båeries akten websæjjan! Jïh dan guhkiem guktie orre utnijh båetieh, dan guhkiem mijjieh berkebe.
Mijjieh sïjhtebe daejredh maam datne vïenhth Polarbibblon bïjre. Jis dov naan åssjalommesh guktie säjroe edtja edtja buerebe sjïdtedh?