Mu ja mu rádná muitalus
Mun ja mu rádná, moai vácciime seamma ovdaskuvllas. Mun ledjen guokte jagi ja son lei golbma jagi. Moai leimme seammá ossodagas. Nu ahte moai letne de dovdan nubbi nuppe badjel logi jagi go mun lean dál 12 ja son lea 13.
Mun muittán go son álggii viđajahkásaččaid jovkui, de mon jerren jus mon oaččun boahtit guossin. Mun ožžon dahkat dan ja de mun bessen oaidnit maid sii barge doppe su joavkkus.
Go son álggii skuvllii ja go mon vázzen viđajahkásaččaid joavkkus in oaidnán su olles jahkái, beare maŋŋil skuvlla. Go mon álgen skuvlii de moai stoagaime bottuin. Muhtumin skuvlla maŋŋel moai vácciime su lusa.
Geasset ja čakčat moai haskkaimet olgun studsmattas dahje leimme olgun čiehkkástallamin. Dálvet moai láviimet bálkut muohtaspáppaid su šiljus ja dat lei somá. Muhtumin vahkkoloahppaid son bođii mu lusa ja de moai spelalaimet Roblox telefuvnnain dahje iPadin.
Moai geahččaleimme hukset ovtta muorrakojja muhto dat gal ii válbmanan goassige. Moai maid láviime snihkket muhtumin vaikko moai ean aibbas diehtán mo galggai.
Moai letne leamašan oktasaš tuvrrain. Ii leat nu áigá go son čuovui mu mielde várrái. Go leimme doppe liikuime oaggut ja čiekčat spáppa. De mon lean guktii su čuvvon mielde su bartii ja de moai letne vuojadan, oggon ja speallan. Mon ožžon mu stuorimus vuskkona doppe, dat lei sullii 1,3 kilo (moai jáhkke).
Moai letne ain rátnát. Mun sávan moai álo letne dan.